तुझ्या माझ्या संगतीचा योग
आपल्या कुंडलीत कुठून लाभला?
ही नारींगी संध्याकाळ
ही सुखाची सफ़र
हा झकास बेत कसा जमला?
या संगतीची तर्‍हाच वेगळी
हिला कसलीच बंधन नाहीत
संकेत, अपेक्षा
आणा, शपथा
असे कुठलेच उपचार नाहीत
क्षीतीजावरची ही रंगत पाहिलीस?
तशीच ही संगतही सहज खुलते
तितकीच उत्कट
तितकीच खुळी
तशीच मनात फ़ुलत रहाते
कदाचीत एक्खाद्या खुळावल्या क्षणी
भेटतीलही ओठ
जुळतीलही हात
किंवा कदाचित
कळणारही नाही
केंव्हा संपून गेली वाट
कुणी सांगाव पुढच्याच क्षणी
पुसलही जाईल हे वेड गीत
निरोपाच्या वळणावर
दरवळत ठेऊन
एक खोलसा उसासा
एक हलकस स्मित


सुधीर मोघे